Kahirapan sa ating bansa

“Kahirapan sa ating bansa”

        

Ang kahirapan ang isa sa mga mabibigat na problema sa ating bansa. Bakit ba may mga taong naghihirap? Anu-anu ba ang mga dahilan kung bakit tayo ay naghihirap? Nakakaepekto ba ito sa ating pang araw-araw na pamumuhay?

 Madalas nating sisihin ang maling pamamalakad ng mga pinuno sa ating bansa noon pero sila nga ba ang may kasalanan o tayong mga Pilipino na tamad. Sabi nga ng karamihan “Katamaran ay katumbas ng kahirapan”. Kaya sila o tayo naghihirap ay sa kadahilanang wala silang trabaho pero ang totoo maraming trabaho ang nakalaan sobrang mapili lang talaga ang mga Pilipino. Dahil gusto nila na mas piliin nila na maupo na lang sa tabi na walang trabaho na hinahangad. Ang isa pa sa mga kadahilanan ay ang pagnanakaw sa pera sa kaban ng bayan ng mga tao sa gobyerno. At ito ang pinakamalupit at talahamak na dahilan ng paghihirap sa ating bansa. Ang mga pera na para sana sa kapakanan ng taong bayan ay napupunta lang sa bulsa ng iilan ng mga may kapangyarihan sa pamahalaan.At ang mga pondo sana na para sa pagpaunlad ng buhay ng mga mahihirap ay ginagamit ng mga pulitiko para sa sarili nilang interes na para sana sa mga taong mahihirap. Kung ginagamit pa nila sa mabuting paraan na para makatulong sa mga taong naghihirap. Ang sapilitang pangingibang bayan ng mga Pilipino upang maghahanap ng ikakabuhay para lang sa kanilang pamilya. Dala ng labis na kahirapan ay ito ay naging tugon ng mga Pilipino upang makaraos at matustusan sa pang araw-araw na pamumuhay. Ang salitang kapit sa patalim ang siyang dahilan sa paglisan sa sariling bayan at mawalay sa pamilya ay hindi madali para sa atin. Para lang makaraos sa kahirapan at matustusan ang pang araw-araw na pamumuhay sa kanilang mga pamilya.At tinitiis nila ang araw at oras, minuto at segundo na hindi nila kapiling ang kanilang pamilya para matustusan lamang nila ang pangangangilangan ng kanilang pamilya. At ito rin ay ang dahilan sa pagiging irresponsible ng mga Pilipino o kawalan ng paninindigan. Kung magiging responsible lamang ang mga magulang ng mga batang kalye ay malamang kawalang pagkalat-kalat na mga bata ngayon sa lansangan, walang uhuging na bata ang makikita natin.

Ang aking masasabi kailangan mag aaral tayo na mabuti para sa ating kinabukasan dahil hindi  hadlang ang kahirapan upang makamit ang ating mga pangarap sa buhay. Kaya wag tayong mawalan ng pag-asa kahit maraming pang pagsubok na dadating sa atin. Sikap at tiyaga ang mga pangunahing sangkap upang mapagtagumpay at makaahon sa kahirapan. Ako bilang isang kabataan ay may layunin akong gawin ang aking makakaya para hindi maging isang mahirap at hindi maituturing na isang basura lamang sa aking lipunan. Sa simpleng pamamaraan ako’y magsisikap para makapagtapos ng pag-aaral nang sa gayon ay magkaroon ng magandang kinabukasan. Hindi lamang ako kundi pati ikaw,tayo,tayong lahat ay kinakailangan ng pagkakaisa patungo sa kaunlaran. Lahat tayo ay may magagawa para sa kinabukasan ng ating bayan,isang bansa na magagamit,maipagmamalaki at higit sa lahat ay maipamana sa susunod na henerasyon.